Ֆրանչիսկոս Պապը 17 ապրիլին` կուսակրօն 11 նոր քահանաներ պիտի ձեռնադրէ։

(Ռատիօ Վատիկան) Կիրակի` 17 Ապրիլ 2016-ին,  եկեղեցական կոչումներու 53-րդ աղօթքի օրն է։ Այս առթիւ ֆրանչիսկոս Պապ, առաւօտեան ժամը 9.30-ին, ս. Պետրոս Տաճարին մէջ, քահանայական կարգը պիտի շնորհէ 11 սարկաւագներու (26-44 տարեկան)։

Նորօծ 11 քահանաներու շարքին կայ  նաեւ ֆիլիփինեան կղզեխումբի եկեղեցիէն թեկնածու մը ապա իրաքէն այլ սարկաւագ մը։ Ինը նոր քահանաներ կը պատկանին Հռոմի թեմին։ Սրբազան Հօր հետ պիտի համապատարագէ Հռոմի թեմի տեղապահ Արքեպիսկոպոսը` կարդինալ Ակոսթինօ Վալլինին։